طريقة تحضير عجوة بالسمن البلدى

أوقات كتير بنحتار نعمل أكل ايه.. هو أغلب الوقت الصراحة.. والحيرة بتكون للوجبات التلاتة.. بس أكتر حيرة بتحصل فى وجبة الغداء ووجبة العشاء.. ولو كنا فى شهر رمضان الكريم.. بتبقى وجبة السحور مُحيرة جدا.. الحقيقة التمر أو البلح العجوة من الأكلات الموصوفة خصوصا فى رمضان.. هو مليان بالفوايد والقيمة الغذائية العالية.. وطريقة تحضير عجوة بالسمن البلدى مش محتاجة شطارة ولا عبقرية.. هى حلوة وسهلة.. بس بعد أكلها الوزن ربنا يستر عليه.. طريقة تحضير عجوة بالسمن البلدى بتبقى حلوة جدا لوجبة فى ليل شتوى بارد.. لأنها بتقدم للجسم طاقة هايلة كافية إنها تعمل عمل دفاية محترمة.. العجوة بلح طرى ولذيذ وبيدخل فى أصناف كتيرة من الأكل والحلويات.. زى تارت البلح مثلا.. وزى العجوة بالبيض الوصفة اللى مشهور بيها أهالى سيناء وسيوة.. تعالوا نروح بسرعة للمكونات وطريقة التحضير.

طريقة تحضير عجوة بالسمن البلدى:

المكونات:

ربع كيلو بلح عجوة

2 ملعقة طعام سمن بلدى أو زبدة

طريقة التحضير:

نغسل العجوة جيدا بالماء الجارى للتأكد من نظافتها من أى شوائب أو رمال، ونتركها تجف.

نُضيف السمن البلدى للمقلاة ونتركها حتى تسخن "تقدح".

توضع العجوة فى المقلاة، ويتم هرسها بواسطة شوكة مناسبة، مع التقليب الخفيف للتأكد من اختلاط السمن بكل الكمية.

تُرفع العجوة من المقلاة وتُقدم فى الطبق المناسب.

طريقة تحضير عجوة بالسمن البلدى، سهلة جدا ومغذية وسريعة التحضير، جربوها واكتبوا لنا رأيكم فيها فى تعليق على الويب سايت بتاعنا أو على صفحتنا الرسمية على الفيسبوك، وبالهنا.