التشيز كيك أول مكان اتعرفت فيه هو اليونان، وليها
وصفتها اليونانية الخاصة، لكن شهرتها العالمية أخدتها من الوصفة الأمريكية، اللى
هى طبقة بسكويت وطبقة جبنة وطبقة صوص. النهاردة قصتنا كلها على الأوريو تشيز كيك، دخلت
أوريو إلى الأسواق الأمريكية والبريطانية من قبل مجموعة نابيسكو في فبراير 1912..
ولتفاصيل أكتر عن بسكويت الأوريو افتحوا الرابط ده.
طريقة تحضير أوريو تشيز كيك.
المكونات:
٢ بسكوت فيري
ربع كوباية زبدة
٢ كيس أوريو
١٤ قطعة جبنة كيري
ربع كوباية سكر
فانيليا
٤/٣ كوب كريمة خفق
٤/٣ كوب كريمة خفق
٢كيس كريم شانتية
٤/٣ كوب لبن ساقع
طريقة التحضير.
الطبقة الأولي: طبقة البسكويت والزبدة
٢
باكو بسكوت فيري (ممكن دايجستيف) وربع كوباية زبدة سايحة وعملت كيسين أوريو بزبدة
وسبتهم على جمب (بعد ما فكيت طبقة بسكويت الأوريو وشيلت الكريمة اللي في النص ما
بينهم باستخدام سكينة).
الطبقة التانية: طبقه التشيز
حطيت ١٤ قطعة جبن كيري عليهم ربع كوباية سكر وفانيليا وخلطتهم كويس بمضرب البيض بعد كده ضفت عليهم ٤/٣ كوب كريمة خفق وضربت تاني كويس وضربت ٢ كيس كريم شانتيه عليه ٤/٣ كوباية لبن لوحدهم كويس جدا بعد كده ضفت الكريم شانتيه على خليط الجبنة وقلبت بالراحة، وأخدت شوية منهم وضفت عليهم نوتيلا وقلبت كويس كده في نوعين شيكولاتة أبيض وشوكولاتة غامقة.
الطبقة التالتة: الصوص.
صوص الفراولة
كوبايتين
فراولة مقطعه وعليهم ربع كوب سكر (عاوزاه مسكر زودي بس كده أحلى) على نار هادية
لغاية ما ينزلوا ميه ويدخلوا في سوا نضربهم بالهاند بلندر و نقلب معلقتين نشا في
شوية ميه ونضيفهم عليهم ونسيبهم شوية على النار وكده جهز يبرد و نستعمله.
شاهد أيضا: طريقة تحضير تورتة تشيز كيك بالفراولة تابعوا الموضوع من هنــا
صوص
الكراميل
ميه
بتغلي و حطيت فيها علبة حليب مكثف تكون الميه مغطيها لمده ساعتين ونص على نار هادية
بيطلع صوص كراميل تحفة.
أما بالنسبة لصوص التوت، فاستعملت مربى التوت، وصوص الشيكولاتة استعملت نوتيلا.
شاهد أيضا: طريقة تحضير صوص
التوت الأزرق تابعوا الموضوع من هنـــا
شاهد أيضا: طريقة تحضير صوص الشيكولاتة من هنـــا
بعد
كده التشكيل دا براحتنا بقى و حركات كتيييييير
دى
كانت وصفتنا.. نتمنى تعجبكم.. ولو عندكم أى استفسارات تقدروا تدخلوا على الرابط ده
وتسألوا صاحبة الوصفة مباشرة عن أى حاجة تخص الوصفة.. وبالهنا.
0 التعليقات
