طريقة تحضير بيتزا ستافت كراست

الوصفة اللى غزت العالم!! تتصدموا لو عرفتوا إن البيتزا أصلا يونانية أو تركية؟! وإنها مش إيطالية المنشأ ولا حاجة؟! الأكل من الحاجات اللى لما تقرا عنها تكتشف قد إيه مليانة بالمعلومات والمفاجآت، وتعرف حاجتين أساسيتين، إن الأكل بيغزو العالم، وإن بلاد النشأة وبداية أى وصفة بتختلف عن اللى وصلت له زى ما نعرفها دلوقتى.. البيتزا كانت فى بدايتها عبارة عن نوع بسيط جدا من أنواع الخبيز، اتعرف فى اليونان وتركيا، وكانت الدول دى بتعمله فى البداية بإضافات من اللحمة والخضراوات عليه، وأثناء فترات الحرب، اتعرف الجنود الإيطاليين على النوع ده من العجين وعجبهم، ونقلوه لبلدهم، وهناك فى إيطاليا "حطوا التاتش بتاعهم" بإضافة صلصة الطماطم على العجين وكمان إضافة الجبنة الموتزاريلا الشهيرة والريحان، والإضافات دى كانت نقلة نوعية كبيرة فى طعم البيتزا، اللى اتعرفت بالاسم ده لأول مرة سنة 997م فى مدينة جيتا الإيطالية!  

مدينة نابولى، المدينة الإيطالية اللى اشتهر فيها ومن خلالها صناعة البيتزا الإيطالية، ومنها لمختلف المدن الإيطالية ثم إلى العالم، وكانت وقتها زى ما قولنا البيتزا مجرد عجين أو "عيش" مش أكتر، وهناك كان فى شخص بيبيع العجين ده، صادف وقت بيعه مرور الملكة "مرجريتا" اللى طلبت تتذوق العجين بتاعه، وبالفعل انبهرت بيه بعد ما اكلته، وبيتقال إنها كانت بتبعت حد من القصر يشترى لها من عجين الرجل ده، فلما عرف، زين العجين بالصلصة الحمرا، والجبنة الموتزاريلا والريحان، الألوان الثلاثة للعلم الإيطالى، وسمى القطعة دى بيتزا مرجريتا نسبة إلى الملكة عشان يزود شهرته، وفعلا اشتهر الرجل واشتهرت البيتزا مرجريتا وانتشرت فى العالم كله لحد وقتنا ويومنا ده!

العالم كله بياكل بيتزا، وجبة سهلة وسريعة فى تحضيرها، ومكوناتها بسيطة ومتوفرة، ومن خلال طعمها الجميل، استفادت شركات عالمية كتير، أنشأت سلسلة مطاعم للبيتزا فى العالم كله، وكسبت من خلالها مليارات الدولارات، وطبعا أشهرهم على الإطلاق "بيتزا هت"، و"بابا جونز" و"دومينوز بيتزا" وغيرهم كتير، اللى عرفوا يسوقوا لمنتج بسيط بشكل عالمى، وأعتقد مفيش حد فينا إلا وأكل فى مطعم بيتزا من دول، وله هناك صولات وجولات كمان. وعشان احنا هدفنا إننا نعمل وصفات جميلة فى بيوتنا، نخلى بيها كل ست تقدر تحقق ده بنفسها، كان لازم نقدم لكم وصفة من وصفات البيتزا، نعملها سواف ى البيت بإتقان، عشان لما تطلب معانا بيتزا، يبقى لا نخرج ولا نتصل نعمل أوردر، يبقى كل المطلوب مننا بس، نقوم نحضرها فى البيت، ونستمتع بالطعم البيتى الرائع والمُشهى والنضيف، والمواصفات دى مش بتتوفر إلا من ايد ست البيت. يلا مع بعض نتعرف على طريقة عمل بيتزا ستافت كراست اللى كانت نقلة وطفرة كبيرة فى عالم صناعة البيتزا، واللى فكرتها حققت نجاح عريض.

طريقة عمل بيتزا ستافت كراست:

المكونات: (تكفى لعمل صينية بيتزا كبيرة)

للعجينة:

2 كوب دقيق

ملعقة طعام ملح
ملعقة طعام سكر

2 ملعقة طعام زيت زيتون

ملعقة طعام خميرة فورية

نص كوب ماء دافئ "لغرض العجن"

للحشوة:

سوسيس أو هوت دوج sausages

أصابع موتزاريلا Mozzarella sticks

ملعقة شاى زيت زيتون

ملعقة طعام جبنة شيدر مبشورة

200 جرام جبنة موتزاريلا

شرائح من البصل

شرائح من الفلفل الرومى الأخضر

شرائح من الطماطم مُقطعة على شكل دوائر

شرائح زيتون أسود مخلى من البذوز

لصوص البيتزا:

2 ملعقة طعام معجون طماطم

ملعقة شاى فلفل أحمر حار (حسب الرغبة)

ملعقة شاى بودرة بصل

1/4  ملعقة شاى ثوم بودرة

1/4  ملعقة شاى زعتر جاف

1/4  ملعقة شاى ريحان جاف

1/4 كوب ماء صنبور

رشة ملح

مخفوق البيض واللبن "الحليب" لدهان أطراف البيتزا

طريقة التحضير.

يتم تحضير عجينة البيتزا، ففى وعاء عميق نقوم بوضع جميع مكونات العجين سويا، ثم نُضيف إليها الماء الدافئ تدريجيا، وبواسطة راحة اليدين نقوم بخلط جميع المكونات مع بعضها البعض حتى يُصبح العجين متماسكا فى شكل كتلة واحدة، ويُراعى أيضا ألا يلتصق العجين باليد.

نقوم بتغطية الوعاء المُحتوى على العجين بفوطة نظيفة جافة، ونتركه فى مكان دافئ فترة ربع ساعة ليستريح. بعدها نضع العجين فى الثلاجة (البراد) لمدة 24 ساعة حتى يتخمر العجين وينتفش ويتضاعف فى الحجم.

تُستخرج العجينة من الثلاجة بعد مرور 24 ساعة، ثم نعمل على فردها وتشكيلها، وذلك برش كمية مناسبة من الدقيق (الطحين) على مائدة مسطحة مناسبة، أو على رخامة مُناسبة، ثم نضع العجين فوق الدقيق ونبدأ فى فرده بواسطة النشابة بحيث تُصبح العجينة مفرودة تماما، ويُصبح مسطحها أكبر من مُسطح الصينية التى سنضعه فيها، من كل الجهات.

بعد فرد العجينة، نقوم بدهان قاع الصينية بزيت الزيتون أو الزبدة، ويُراعى أن يتم كذلك دهان الجوانب، ثم نقوم بفرد العجينة على الصينية مع ترك الأجزاء الزائدة من العجينة ترتفع فوق حافة الصينية.

نقوم برص أصابع الموتزاريلا على حواف الصينية الداخلية بالكامل، حتى تمتلئ الحواف الداخلية بأصابع الموتزاريلا، ثم نقوم بإنزال الأجزاء الزائدة من العجينة من على أطراف الصينية فوق أصابع الموتزاريلا بحيث تغطيها بالكامل، ونُراعى أن نقوم بكبس العجينة التى تُغطى أصابع الموتزاريلا على العجينة الموجودة بأرضية البيتزا، وذلك بواسطة أصابع اليدين.

بواسطة سكين حاد، نقوم بتقطيع منطقة حواف الصينية، التى تحتوى على أصابع الموتزاريلا المُغطاة بالعجين، بحيث يكون التقطيع على شكل مُربعات متساوية، وبعد الانتهاء من تقطيع منطقة أصابع الموتزاريلا بالكامل، نقوم بواسطة اليدين بتحريك الأشكال المربعة بزاوية 90°م فى اتجاه الصينية الداخلى، لنحصل على شكل ستافت كراست. بعد ذلك نبدأ فى تحضير صلصة البيتزا، أو صوص البيتزا.

فى مقلاة ساخنة نضع معجون الطماطم، ثم نُضيف إليه الماء، ونتركه قليلا حتى يسخن ويُصبح سميكا، بعدها نقوم بإضافة التوابل المذكورة فى المكونات، ونُقلب الصوص جيدا بواسطة ملعقة خشبية، ثم نتركه على النار فترة 3-5 دقائق لتتجانس المكونات مع بعضها ونحصل على صوص سميك ومناسب، ثم يُرفع الصوص من على النار ويترك جانبا ليبرد.

بعد أن يبرُد الصوص الأحمر، نقوم بفرده فوق العجينة حتى يُغطى مساحتها بالكامل، بعدها نبدأ فى وضع الحشوة وتوزيعها بشكل مناسب فوق العجينة، حيث نقوم برص شرائح الطماطم والفلفل الرومى والزيتون والجبنة الشيدر والمتوتزاريلا فوق العجين، أما بالنسبة للسوسيس فيُفضل تشويحه أولا فى القليل من زيت الزيتون قبل وضعه على العجين.

بعد الانتهاء من رص المكونات على العجينة، نقوم بدهان أطراف البيتزا بمخفوق البيض واللبن، وذلك للحصول على اللون الذهبى البنى الجميل أثناء التسوية فى الفرن.

فى درجة حرارة 200°م، نُدخل الصينية للفرن لفترة حوالى من 20-25 دقيقة حسب قوة الفرن وتوزيع الحرارة به، ويُفضل أن نكون قد قُمنا بتسخين الفرن فترة ربع ساعة قبل وضع الصينية به.

بعد تمام تسوية البيتزا، نقوم بوضعها فترة 3-5 دقائق تحت الشواية للحصول على اللون الذهبى البنى الجميل والمُناسب للتقديم.

نُخرج الصينية من الفرن ونقوم بتزيينها بالقليل من أوراق الريحان الطازجة أو أعواد الجرجير الصغيرة الطازجة.

أتمنى تكون وصفتنا سهلة، وهى بصراحة سريعة جدا فى تحضيرها، وطعمها روعة. لو تحبوا تشوفوا الوصفة بشكل تفصيلى أكتر، يعنى الخطوات خطوة خطوة بالصور والشرح، افتحوا الرابط ده فى الجروب بتاعنا على الفيسبوك، وبكده نكون نقلنا لكم وصف تفصيلى للوصفة نتمنى إنه يعجبكم ويسهل عليكم طريقة تنفيذها فى البيت، وبالهنا.