شوربة كوارع

ساكن فى حى السيدة وحبيبى ساكن فى الحسين، غنوة الفنان عبد المطلب الشهيرة اللى طرحت مأساة فى حياة المصريين، بُعد مكان سكن الحبيب عن حبيبته، يا ترى مين فيهم يروح للتانى؟! الطبيعى الراجل يروح لحبيبته فى الحسين، بس فى الحالة بتاعتنا الحبيبة هى اللى هتروح لحبيبها حى السيدة زينب، وبالتحديد فى حى الناصرية عند بحة بتاع فواكه اللحوم. عرفتوا بقى ليه هى اللى هتروح له؟! عشان يروحوا يضربوا سوا أكلة حلويات متنوعة، من كوارع ولسان وممبار وغيره، تتبسط ويتبسط ويناموا والمعدة مليانة على آخرها. شوربة الكوارع المصرية ملهاش حل، كل رجالة البلد بيحبوها إلا ما ندر، وده لأنها بتدفى الجسم جدا وبتمده بطاقة كبيرة هنعرف دلوقتى بتيجى بالظبط منين.

فوائد الكوارع:

تمدّ الجسم بسعرات حرارية عالية، ممّا يجعلها تعطي الجسم طاقة هائلة لذا فهي تعدّ مثالية في موسم الشتاء للحصول على الدفء.  تحتوي على عناصر غذائية يحتاجها الجسم، مثل: الفسفور، والكالسيوم، والمغنيسيوم، واليود وهذه المعادن تحمي من التهابات المفاصل وهشاشة العظام. تمدّ جهاز المناعة بالكولاجين الضروري للجسم والذي يحمي بطانة الجهاز الهضمي من التقرحات والالتهابات المتكرّرة بفعل العوامل المسببة للقرحة المعديّة والقولون العصبي. تزيد من نضارة البشرة وتساعد في حماية الجلد من التشققات والجفاف وتزيد من رطوبته وحيويته، وقوّة الشعر وصحّته بفضل وجود مادّة الكولاجين، والبروتينات، والفيتامينات، مثل (B6, B12) . كما أنها تقوّي الدورة الدموية وبناء الخلايا وتجديدها؛ لاحتوائها على البروتين والفيتامينات. تساعد الأمعاء على التخلص من السموم المتراكمة فهي وجبة غنية بالألياف، وتساعد في تخلّص الكبد من السموم. كمية الدهون في طبق واحد من وجبة الكوارع تكفي الفرد لعشرة حصص غذائية من الدهون الضرورية للجسم فمنها دهون حميدة للجسم ومنها دهون تسبب أمراض السمنة. تساعد على تخلّص الجسم من الحساسية تجاه بعض أنواع الأطعمة.  المواد الجلاتينية الموجود في شوربة الكوارع تساعد في شفاء أمراض المفاصل وخشونة الركبة لذا فهي وجبة مثالية لكبار السن الذين يعانون من آلام المفاصل والروماتيزم. تزيد كمية السائل المنوي لدى الرجال فهي بالتالي تحمي من الضعف الجنسي.

المكونات:

كوراع بقرة أو خروف

ملح، فلفل أسود

3 ورقات لورا

5 فصوص حبهان (هيل)

طريقة التحضير

يتم غسل الكوارع جيدا، وتُنقع فى وعاء عميق به ماء وخل وملح وعصير ليمون، لمدة ساعتين على الأقل، وذلك لضمان التنظيف الممتاز، بعد ساعتين نقوم بتصفيتها من الماء الزائد، لتبدأ عملية طهيها.

فى وعاء عميق، نضع الكوارع بدون إضافة أى زيت أو سمن (لأنها مشبعة بالدهون)، ونحمرها قليلا على النار مع مراعاة التقليب على كافة الجوانب لضمان احمرار كل أجزائها، ثم نُضيف كمية مناسبة من ماء الصنبور للوعاء (تكفة لتغطية سطح الكوارع بالكامل)، ونضع 3 ورقات لورا، و5 حبات من الحبهان (الهيل)، وعود قرفة، والبهارات (ملح، فلفل أسود مطحون)، و نقوم بتغطية الوعاء، ونتركه على نار متوسطة حتى يصل الماء لدرجة الغليان.

نقوم بعدها بتخفيض درجة الحرارة، ونترك الكوارع لمدة حوالى ساعة تقريبا حتى تصل للتسوية الكاملة، ويُمكن اختبار مدى تسويتها بواسطة شوكة، فإذا انغرست الشوكة بسهولة فى دهن أرجل العجل أو الخروف، فإن هذا يعنى وصولها للتسوية الكاملة. تُرفع الكوارع من على النار وتُقدم فى طبق عميق مناسب.

هاه.. عجبتكوا الوصفة، لو أيوه سيبوا لنا رأيكم فى تعليق، ولو نفذتوا الوصفة صوروها وابعتوا لنا الصورة فى تعليق على صفحتنا على الفيسبوك. لو حبيتى تعرفى هتقدمى إيه جنب شوربة الكوارع، فأكيد فتة كوارع، وممكن ممبار، ولسان وطحال، ومش هنوصيكى على طبق السلطة البلدة طماطم وخيار وبصل، وكوباية الويسكى، ويسكى الغلابة يعنى اللى هى مية السلطة البلدى، مفيش راجل فى مصر مش بيحبها، خصوصا إنها بتفتح النفس جدا على الأكل. وبالهنا.